4.trinn

Det måtte nokre pausar til når 3. og 4.trinn tok turen til Liafjellet. Og det var ikkje kondisen deira det var noko i vegen med, men når gradestokken passerer 20 grader vert det varmt oppover!

I dag gjekk vi til Lekvenvatnet for å studera livet i ferskvatn. Det var svært bløtt og vanskeleg å koma til for å finna smådyr som lever i vatnet. Vi fekk observert smådyr i lufta over vatnet.Sjå bilete

I dag har vi hatt ein fin tur saman! Første stopp var Koloniane. Der leika vi bl.a. i slengdissene, spelte fotball, og utforska skogen. I den gamle grunnmuren til feriekolonien var det nokre elevar som lagde kamuflasjehytte.

I dag har det vore sommaravslutning for elevar,foreldre ,søsken og lærarar/assistentar på 3.trinn. Først vart vi delte i grupper og gjekk etter kart og løyste oppgaver på postar.Deretter var det duka for korgafest,der alle hadde teke med noko godt å eta.

I nydeleg sommarvér drog 3.trinn til Lysøya på tysdag. Vi fekk omvisning i museet,og ei kjekk jente fortalde om Ole Bull.Etterpå kunne vi kjøpa is, og så gjekk vi ned på kaien der vi åt og leika før båten henta oss. Det var ein fin dag! Sjå bilete

Sjå gjerne i biletalbumet på dei fine bileta ei gruppe elevar på 3.trinn måla ute på skuleplassen i dag! Vi ynskjer alle ved skulen ei god helg!

3.trinn fekk overrekt premie på kr.400 for beste innsats og beste oppmøte i 17.maitoget! Det er ein stolt gjeng som skal finna på noko kjekt å bruka pengane til!

Vi på 3.trinn ynskjer alle ei god helg! Fredag er fridag. 17.mai-toget går frå Halhjem kai kl.14.00.

I dag fekk klassen sjå skodespel av seks jenter i klassen. Vi vart inviterte opp på haugen i siste time. Jentene har i lengre tid planlagt at dei ville ha ei framsyning for oss, men handlinga har vorte til undervegs.

"Dyra på garden" var temaet då 3.trinn hadde framsyning i gymsalen på torsdag..Først for heile skulen om føremiddagen, og så for foreldra om kvelden. Med dei 27 songglade elevane er det mykje lyd i koret.